1. Vitamin C
Anpil etid montre ke vitamin C kapab redwi dire grip ak rim. Anplis de sa, li ranfòse sante’w jeneral, ak sistèm iminitè’w tou.
Men kèk bon sous vitamin C: zoranj, sitwon, chadèk, gwayav, frèz, piman vèt, pèsi, papay, bwokoli kri. Manje fwi yo gen plis avantaj ke lè’w fè ji avèk yo.
2. Te (jenjanb, lay…) ak siwo myèl
Siwo myèl gen pwopriyete natirèl kont viris ak mikwob. Ajoute siwo myèl nan te jenjanm oswa kannèl pou’w ka soulaje goj grate ak rete idrate.
3. Soup ak bouyon
Likid ki cho, tankou soup, anpeche larim anpile nan nen’w ak goj ou e fè ko’w idrate. Yon etid nan Sant Medikal Inivèsit Nebraska montre ke soup poul gen pwopriyete anti-enflamatwa (kont enflamasyon), ki ede diminye efè segondè dezagreyab rim ak grip.
4. Aromaterapi: Vicks, Mant, Kanf
Fwote yon ti kras kanf oubyen vicks arebo nen ou (pa mete’l anndan nen’w!) pou fonn larim pwès. Ou ka diminye tou nen bouche tou lè w respire lwil aromaterapi , tankou mant ak ekaliptis.
5. Yon beny cho
Yon beny ak dlo cho se yon gwo dekonjestan (ki ede debouche nen’w). Atansyon: Si w gen vètij oswa ou fèb akòz grip la, chita sou yon chèz pandan w’ap pran beny cho a.
6. Idratasyon (bwè anpil dlo)
Youn nan pi gwo rekomandasyon ki genyen pou’w retabli rapidman de viris rim ak grip se bwè anpil dlo . Lè w idrate , kò ou gen yon kapasite natirèl pou li elimine mikwòb nan sistèm ou.
7. Dòmi
“Li enpòtan anpil pou’w repoze le’w gripe ak anrime. Dòmi ede sistèm iminitè ou fonksyone nan pi bon kondisyon pou anpeche dega viris ak bakteri.
8. Gagari dlo sale tyèd
Fonn demi kiyè sèl nan yon ve dlo tyèd, apre sa gagari’l pou soulaje gòj fè mal.
9. Dòmi ak yon dezyèm zòrye
Pou ede rim lan koule, itilize yon dezyem zòrye pou’w ka domi a tèt ou wo.
