1. Li gen libète e li konnen sa li vle
Li pa kontante ak anyen ki mwens pase lajwa, lanmou ak lapè enteryè. Li pa kite moun kontwole l emosyonèlman, li enposib pou manipile li oswa fòse li fè yon bagay ki kont val moral ak prensip li yo.
2. Li estab
Li pa pran desizyon nan prese oubyen san reflechi, li pran tan li pou analize chak chwa li fè. Li pa dekouraje lè li pran echèk, e li pa vin ògeye lè li fè siksè. Li konnen ke tout bagay tanporè, e tout ap chanje. Li konnen kwasans ak estabilite sòti andedan li. Emosyon li yo pa blese lòt moun. Li pa sèvi ak yo pou atake moun ni pou kouri pou yo.
3. Li pa toujou fè tèt li pase pou viktim
Li pa nan plede plenyen. Li pa pretann ke li pòv epi akize lòt moun pou sa. Li ka obsève konpòtman lòt moun, men li pran responsabilite pou konpòtman pa l. Li konnen ke li pa bezwen fè anyen pou fòse moun renmen l. Li jis viv lavi li jan li ye a, e li pa janm doute lanmou lòt moun paske li renmen tèt li.
4. Li konnen ke li ap kreye pwòp mond li ak panse li a chak moman
Li konnen kisa ki pwogramason mantal ak lavaj sèvo e li pa bezwen itilize yo kòm gid. Li konnen ki motivasyon ki dèyè tout aksyon li yo, ak kijan pou l reponn ak bezwen li yo ki pat ranpli pandan li te timoun. Li konnen ke enèji li mete nan panse li se li menm k’ap kreye relasyon li yo ak sitiyasyon li atire yo.
5. Li pa pè montre santiman li ak feblès li
Li otantik. Li montre sa lè li pè ak nan fason li simonte doulè li yo. Li santi libète pou eksprime li. Li pa fè tèt li pase pou ewo ni kache santiman li. Li pare pou montre kiyès li ye vrèman. Gras ak sa, li debarase li de santiman perèz, kilpabilite ak wont. Li abandone ògèy epi li rekonèt lè li fè erè.
6. Li pa manipile lòt moun
Li pa fòse pèsonn fè anyen. Li rekonèt dwa li genyen pou li di non, epi li respekte menm dwa sa lakay lòt moun. Li ka reponn ak tout bezwen li yo, kidonk li pa depann de pèsonn. Men li prè pou mande èd tou, paske li konnen tout moun bezwen sipò yon lòt.
7. Li kwè nan tèt li
Li rekonèt valè li e li konnen valè sa depann sèlman de limenm. Li konnen opinyon lòt moun pa defini kiyès li ye. Li aksepte aspè negatif li yo, san li pa kraze kò l ak santiman kilpabilite oswa jije tèt li dèske li pa pafè. Li aprann de erè li yo. Li chwazi relasyon kote yo renmen l, respekte l e ede li grandi.
8. Li konnen limit li
Yon fanm vanyan gen yon kè ouvè, li sansib epi li gen senpati, men si yon moun derespekte l, li ka defann tèt li e trase limit li ak moun lan. Li pa pran pòz li twò espirityèl pou li kite moun ap sapata l pandan ke sa ap manje l anndan l.
9. Li konnen ki kote li prale (li gen objektif)
Li fidèl ak tèt li e rekonèt sa ki bon pou li. Li pasyone e ap chèche verite pwofon nan tout kwayans li yo. Li pa goumen ak pèsonn, li modès epi li fè pwogrè chak jou nan objektif ki enpòtan pou li yo. Li pran distans li ak moun kap pwojte dout yo sou li oubyen ki pa vle byen pou li.
10. Li renmen e valorize tèt li
Li pa ap chèche validasyon oswa konpliman lòt moun. Li apresye tèt li. Li pa kite bèl pawòl gason twonpe li, li ka dekouvri entansyon kache yo genyen. Li sèlman ouvri tèt li ak gason ki vrèman vle konnen li ak renmen li sensèman, konsa li atire gason ki gen matirite ak konsyans.
11. Li fidèl anvè valè ak kwayans li yo
Li klè sou valè enteryè ak prensip moral li yo, e li kite yo gide l. Nanm li oswa kò li pa pou vann. Li kite entwisyon li ak bon santiman gide li. Li koute konsèy lòt moun, men li pran dènye desizyon an selon sa li santi. Li pa janm fè bagay ke li pa vle fè oswa paske lòt moun ap atann ke li fè yo.
12. Li valorize ak respekte gason
Li kite gason li gen nan vi l la vilnerab ak li. Li konnen kijan pou sipòte li, kijan pou l fè li kwè ke li fò epi li kapab reyalize sa li vle. Gason pa pè montre feblès yo devan yon fanm ki gen fòs. Yo konnen fanm lan renmen yo e aksepte yo san jijman. Fanm ki gen fòs konnen ke gason pa twò emosyonèl e ka gide yo san manipilasyon.
13. Li konn tèt li epi li pa santi l koupab pou anyen
Li rekonèt pwòp feblès li. Li pa kache yo, li aksepte yo tout pandan ke l ap bat pou korije yo. Li pa santi kilpabilite ak wont.
14. Li pa rete nan relasyon ki ap mal fonksyone
Li konprann relasyon an la pou ede nou grandi, kidonk li koute vwa enteryè li, e li pa janm rete nan yon relasyon ki pa bon pou li jis paske li pa vle ret poukont li oswa paske sosyete a ap met presyon sou li. Li aprann de chak relasyon, epi li fè sa ki nesesè pou grandi enteryèman pou l pa repete menm erè yo.
15. Li konnen kijan pou li eksprime bezwen li
Li pa fè tèt li pase pou yon “bon fanm” ki pa bezwen anyen epi ki modès. Li konnen kijan pou mande sa li vle. Gason renmen satisfè yon fanm konsa paske yo santi lanmou li, rekonesans li ak libète li. Se yon plezi pou yo dedye tèt yo bay fanm sa a epi ba li konfò emosyonèl.
Se tout sa nou te pote pou ou. Pa bliye gade anba paj la pou anpil lot bel atik epi l swiv nou sou Facebook. Mèsi!
