Definisyon: Kansè se yon maladi ki pran nesans lè selil anomal (move selil) yo divize san kontwol (anvayi) nan yon pati nan kò a.
Kansè kòmanse nan selil yo. Selil se yon seri de eleman ki piti anpil ki fòme tout ògàn ak tisi ki nan kò a (Gade imaj 1). Pa egzanp, yon gout san gen plis pase 5 milyon (5000000) selil. An jeneral, selil sa yo divize pou fè nouvo selil nan yon fason ki kontwole. Se konsa kò nou grandi, geri ak repare.
1- Selil wouj ki nan san
Pafwa, sa ale mal epi yon selil oubyen yon ti gwoup selil vin anòmal (move). Move selil la kontinye divize epi vin bay nesans a anpil selil ki pa nòmal. Move selil yo vin fòme yon boul, ki rele yon timè (Gade imaj 2). Se pa tout boul ki kansè. Yon boul ki pa kansè pa ka pwopaje nan okenn lòt kote nan kò a. Yon boul ki se kansè (malfezan) ka grandi e pwopaje nan tisi ki antoure l yo.
2- Yon poumon ki an sante (a goch) ak yon poumon ki gen kansè (a dwat)
Selil kansè pafwa konn separe ak kansè prensipal la epi pwopaje atravè sistèm sangen oswa lenfatik nan lòt pati nan kò a. An pasan, sistèm lenfatik se sistèm ki balanse nivo likid nan ko a epi defann ko a kont enfeksyon. Selil kansè ki gaye epi devlope yon timè yon lòt kote nan kò a yo rele kansè segondè.
Li enpòtan pou doktè yo konnen ki tip kansè yon moun genyen. Tip yon kansè jeneralman baze sou pati nan kò ou ak tip selil kote kansè a premye devlope.
Pati nan kò ki pi komen pou kansè devlope se po, poumon, tete, pwostat, kolon, ak rektòm.
Gen 3 gran tip selil kote kansè konn devlope:
- selil epitelyal – apeprè 80 a 90% nan kansè yo se tip sa a
- selil san ak sistèm lenfatik – apeprè 7% nan kansè yo se tip sa a
- selil tisi konjonktif – apeprè 1% nan kansè yo se tip sa a
Kansè ka pafwa devlope nan lòt kalite selil, men sa ra. Timè nan sèvo se kansè ki pi komen nan gwoup sa a.
Hello zanmi’m! Si’w enterese ak jan de atik sa yo ak anpil lòt, ale anba paj la nèt pou’w ka swiv nou sou Facebook!
Tape bouton anba a pou’w ka pataje’l ak zanmi’w yo!
Mèsi anpil!!!
