1. Domi bonè, men leve ta
Pa janm leve bonè. Rete nan kabann osi lontan ke posib, detire ko’w epi vire jiskaske grangou fòse ou leve. Dayè kabann ou pa gen pinèz, poukisa pou’w ap prese?
2. Lè yon kòb antre nan men’w, depanse sa yon fwa
Pa janm planifye sou envestisman. Depanse lajan an rapid vit lè ou fin jwenn li. Depanse plis ke sa w’ap touche nan travay ou. Achte kredi epi prete lajan nan men zanmi ak fanmi’w pou’w ka toujou parèt granneg
3. Pa fè okenn ekonomi
Tann ou gen yon gwo sòm lajan avan, apre sa wa fè ekonomi. Koman pou’w ta fè ekonomize pandan ke ou p’ap touche anpil nan travay ou? Moun ki konseye’w pou’w ekonomize yo pa konprann ke depans yo trè enpòtan ou yo.
4. Pa fè nenpòt djòb, paske ou twò edike epi gen twò gwo diplòm
Evite aktivite yo konsidere kòm “bagay pou moun san edikasyon” oswa “klas ba” tankou vann oubyen yon ti biznis. Kòm yon diplome, pwofesyonèl, oswa yon moun ki sòti nan yon fanmi klas elve, angaje nan bagay sa yo se yon derespektan pou standa’w ak stati ou.
5. Tann yon mirak
Tann yon zanj fè livrezon yon sak lajan pou ou ki sot nan syèl. Pa gen okenn biznis ou ka komanse sa ou pa gen de milyon. Se vre ke gen kèk biznis ki te kòmanse ak ti kapital, men ou konnen siksè garanti a 100% si ou kòmanse an gwo zouzoun.
6. Plenyen san sès
Plenyen de tout bagay eksepte pwòp atitid ou ak mantalite’w. Blame povrete w sou paran w, sistèm nan, gouvènman an, ak bank yo ki te refize prete w lajan. Yo tout se mechan epi yo pa vle ou vin rich.
7. Abiye chè pou’w enpresyone lòt moun
Asire’w ke ou gen aparans moun rich pou lòt moun ka entimide pa prezans ou. Genyen nan konpetisyon sekrè fe moun wè ou yo. Chak fwa vwazen ou achte yon nouvo telefòn, asire w ke ou achte youn ki pi chè.
8. Achte gwo mak machin
Achte yon machin ki koute plis pase twa fwa salè anyèl ou. Li se yon senbòl stati esansyèl. Pa enkyete w si ou pa gen kay oswa yon kote pou pake machin lan. An reyalite, pa bay priyorite a achte pwòp kay ou paske ou pa ka sèvi ak li pou enpresyone moun menm jan ou ka fè’l ak yon machin.
9. Konsantre sou divètisman ak amizman
Konsakre tan ou, enèji, ak resous pou gade spò prefere’w yo oswa jwe anpil video game. Li pa yon pwoblèm si ou pa pwodiktif. Ki sa ki pi enpòtan pase jwi lavi a an plen. Yon tan ki pase nan plezi pa janm gaspiye.
10. Priyorize anpil vis ak plezi, dayè lavi twò kout, pa vre?
Pran plezi nan vis ou pi renmen yo. Kit se fimen, bwè, oswa jwèt aza, fè sa yo pi gwo priyorite’w. Rejwi bwè ak zanmi epi anbrase imaj pou’w fè tout moun konnen ou fimen oswa jwè aza.
Konplètman angaje nan abitid sa yo, kèlkeswa enpak yo sou byennèt ou oswa finans ou.
Hello zanmi’m! Si’w enterese ak jan de atik sa yo ak anpil lòt, ale anba paj la nèt pou’w ka swiv nou sou Facebook!
Tape bouton anba a pou’w ka pataje’l ak zanmi’w yo!
Mèsi anpil!!!
