1 – Li pran anpil tan pou’l reponn epi repons yo kout
Kominikasyon se kle ki kenbe nenpòt relasyon an vi. Lè yon fanm kòmanse desenterese, youn nan premye siy yo se souvan yon chanjman nan style kominikasyon li. Mesaj tèks li yo ka vin pi kout oubyen vag, oubyen li ka pran tan pou’l reponn.
Nan ka sa yo, sa ka montre ke li pa gen yon gran dezi pou kenbe kontak ankò, espesyalman si sa pat konn fèt oparavan.
2 – Li pa pran inisyativ souvan ankò
Dinamism yon relasyon souvan depann sou efò mityèl pou angaje ak kreye moman ansanm. Si li sispann pran inisyativ pou fè plan oswa kontakte ou an premye, sa ka yon siy enpòtan ke li dezenterese.
Lè se gason an sèlman k’ap fè efò pou kenbe relasyon an, sa souvan montre yon chanjman nan priyorite fi a ak angajman emosyonèl li. Lè ou rekonèt chanjman sa yo bonè epi dyaloge sou yo ka sove relasyon an.
3 – Konfli orè
Si toudenkou gen yon bann chanjman nan orè li, sa kapab endike chanjman nan santiman’l. Si li kòmanse gen yon seri nouvo angajman ki dirèkteman an konfli ak tan nou konn pase ansanm, sa ka siyale ke l’ap kreye distans.
Kit angajman sa yo se aktivite pwofesyonèl, sosyal, oswa pèsonèl, si yo bloke tout ti tan nou konn pase ansanm, fanm lan ka gen entansyon mete espas ant nou 2.
4 – Evite kontak fizik
Touch fizik se yon pati pwisan nan entimite nan yon relasyon. Lè yon fanm kòmanse evite kontak fizik—tankou refize kenbe men, pa resevwa akolad, oswa chita pi lwen ou pase nòmal—sa ka yon siy distans emosyonèl enpòtan.
5 – Chanjman nan ton vwa’l pandan konvèsasyon
Ton vwa yon moun itilize ka transmèt yon pakèt emosyon. Si ton li manke chalè, afeksyon, oswa antouzyasm li te genyen avan, sa ka siy chanjman emosyonèl pi pwofon. Yon ton ki frèt, ki twò serye, oswa ki dezenterese ka sijere ke li emosyonèlman deyo nan relasyon an. Fason li pale avèk ou, pa sèlman sa li di, ka bay apèsi sou fason santiman li ka chanje.
6 – Li raman pataje panse pèsonèl li
Pataje panse pèsonèl, santiman, ak eksperyans chak jou apwofondi entimite ak ranfòse lyen nan yon relasyon. Si li kòmanse pataje mwens sou lavi li oswa li sanble pa enterese nan divilge panse li ak santiman li, sa ka endike ke li emosyonèlman fèmen nan relasyon an.
Si kominikasyon li kounye a se selman sou bagay ki pa enpòtan, sa ka vle di ke li ap bloke emosyon li, petèt akòz li pèdi konfyans oubyen enterè nan yon koneksyon ki pi pwofon.
7 – Li pa fokis pandan konvèsasyon yo
Lè yon fi vrèman enterese ak angaje nan yon relasyon, li jeneralman konsantre anpil sou konvèsasyon ak mennaj li. Si li parèt souvan distrè pandan w’ap pale, sa ka endike ke fokis li chanje.
Sa ka manifeste le li souvan gade telefòn li oubyen mont li pandan n’ap pase tan ansanm. Oswa, li ta ka sanble preyokipe pandan diskisyon yo. Konpòtman sa yo ki pa nomal ka reflete yon dezagreman emosyonèl oswa mantal ki pi fon.
8 – Endiferans pou okazyon espesyal yo
Okazyon espesyal tankou anivèsè, fèt nesans, oswa etap enpòtan yo se tan pou selebrasyon ak reyafime yon relasyon. Sepandan, si fi a montre yon mank antouzyasm pou evènman sa yo, sa ka siyale ke emosyon li yo refwadi.
Endiferans li ka parèt kòm yon efò minim nan planifikasyon, bliye dat enpòtan yo, oswa li pa montre eksitasyon sou evènman an.
9 – Mwens efò nan aparans li ta ka vle di li te pèdi enterè
Efò yon moun mete nan aparans li lè li rankontre patnè li ka reflete nivo enterè ak respè yon moun pou relasyon an. Si fi a pa efò pou kenbe aparans li, malgre li te konn fè sa oparavan, se ka paske li pa enterese anko.
Byen ke tout moun konn gen jou yo jis vle abiye yon fason chill, si toudenkou fi a kite cheve’l vay ke vay, li mete pi vye rad li genyen, elatriye lè n’ap rankontre, sa ka revele yon diminisyon nan santiman amoure.
10 – Li prefere pase tan an gwoup ke nou 2 a ansanm
Yon preferans pou anviwònman an gwoup pase tan entim a nou 2 ka endike distans emosyonèl. Si li plis chwazi rankontre ak ou nan mitan pil lòt olye ke nou pase tan poukont nou, li ka sijere yon chanjman nan nivo konfò li.
Konpòtman sa a pèmèt li kenbe yon koneksyon avèk ou san entimite nan entèraksyon pèsonèl, ki ka mwen egzijan emosyonèlman.
11 – Li anwiye pou nenpòt ti pwoblèm raz
Iritasyon sou ti abitid chak jou ka endike pwoblèm pi pwofon nan yon relasyon. Si li eksprime fristrasyon sou fason ou pale, manje, oswa lòt ti abitid nan kay, sa ka reflete mekontantman kache.
Ogmantasyon sa a nan kritik yo souvan se pa sou abitid yo vre. Olye de sa, yo montre fristrasyon nan relasyon an. Rekonèt ekspresyon iritasyon sa yo ka bay yon ide sou santiman li, ki sijere ke koneksyon emosyonèl li oswa pasyans li nan relasyon an diminye.
12 – Li anile plan a la dènyè minit
Si li kòmanse anile plan yo a la dènye minit souvan, sa ka montre ke li pa bay relasyon an anpil priyorite ankò. Konpòtman sa a deranje efò mityèl nou fè pou pase bon tan ansanm epi siyale yon mank de respè pou tan ou ak santiman ou.
13 – Li pa tèlman pale de lavni
Lè yon fanm evite diskite oswa fè plan pou lavni ansanm, sa ka endike ke priyorite li yo chanje. Refi sa a souvan vle di ke li pa sèten ke relasyon an ap dire lontan epi li ka rekonsidere angajman alontèm li. Si li ezite oswa chanje sijè a lè nou komanse diskite sou gwo evènman lavi yo, sa vle ke li pa wè avni l mare ak pa w la klèman tankou anvan. Konpòtman sa a espesyalman klè si li te konn pale de bagay sa yo avèk jwa oparavan.
14 – Chanjman nan konpòtman’l sou medya sosyal
Medya sosyal souvan reflete priyorite pèsonèl ak eta emosyonèl nou yo. Yon chanjman aparan nan fason li kominike avèk ou sou medya sosyal – tankou mwens angajman ak post ou yo (li pa like oubyen komante), pa pataje moman yo souvan, oubyen li plis poste foto lè nou pa ansanm, sa ka endike yon chanjman nan fason li wè relasyon an.
15 – Li ogmante endepandans nan aktivite li yo
Si li kòmanse pouswiv plis aktivite pou kont li oswa ak lòt moun san ou pa ladan yo, jan sa te konn fèt anvan, sa ka endike ke li vle endepandans nan relasyon an. Pandan ke endepandans ka yon bon bagay, si fanm lan vle fè plis aktivite separeman, sa ka montre ke li vle ekate tèt li de vi pa’w.
Lè ou rekonèt chanjman konpòtman sibtil sa yo ki siyale ke moun lan dezenterese nan relasyon an, sa ka enpòtan pou kenbe sante mantal ou ak asire satisfaksyon ou nan relasyon an.
