1 – Chanjman nan kominikasyon
Sa se youn nan premye siy ki montre yon nèg pa enterese nan mennaj li menm jan ak oparavan. Lè telefòn ou te konn ap sone/vibre souvan ak bèl ti tèks ak apèl, epi sanzatann ou remake yo kòmanse diminye.
Anplis, sii’w remake yon diminisyon nan chalè kominikasyon yo oubyen li jis pa sou pale, sa ka vle di li pa enterese anko. Lè w pote atansyon ak chanjman sa yo bonè e dyaloge sou yo, sa ka bay relasyon an yon 2zyèm chans.
2 – Mank antouzyasm nan vwa li lè n’ap pale
Yon lòt endikatè se yon chanjman nan ton li pale avèk ou. Èske vwa li toujou limen lè nou nan telefòn? Èske ou wè li eksite e kontan pou pase jounen avèk ou, oubyen èske ou wè li jis pa sou sa?
Si ou remake nenpòt nan bagay sa yo, misye ka pedi enterè nan relasyon an. Dyaloge sou bagay sa yo rapid vit pou chèche yon solisyon.
3 – Li anile plan nou te fè ansanm
Plan ki anile souvan ka koze dekourajman, epi yo ka siyal yon chanjman nan priyorite mennaj ou yo. Si li kòmanse anile dat oswa ranvwaye plan regilyèman san rezon valab, sa ta ka endike yon diminisyon nan dezi pou li pase tan avèk ou. Anpil fwa se pa paske li pa gen tan, men li jis ap evite prezans ou.
4 – Langaj kòporel (oubyen jestyèl) ki fèmen
Langaj kòporel souvan di nou plis sou santiman yon moun pase pawòl nan bouch. Yon nonm ki pèdi enterè ka montre yon langaj kòporel ki fèmen, yon endikatè distans emosyonèl. Li ka evite fè kontak zye, kenbe bra l kwaze pandan konvèsasyon, oswa chita pi lwen de ou ke dabitid. Tout siy sa yo souvan fèt enkonsyamman, e sa ka montre yon dezi pou evite angajman emosyonèl.
5 – Aktivite sosyal an absans ou
Lè mennaj ou pa envite’w nan aktivite sosyal, se ka yon siy ke l’ap kreye distans ant nou 2. Si li kòmanse ale nan plis pwogram san ou oubyen si li sispann mansyone rasanbleman sosyal li yo konplètman, sa ka endike yon chanjman nan fason li wè relasyon an.
Lè yon gason enterese, jeneralman li vle entegre ou nan lavi li, pataje eksperyans yo, epi prezante w ak zanmi ak kòlèg li yo. Yon diminisyon aparan nan envitasyon sa yo ka sijere ke li ap repanse relasyon an.
6 – Bliye Detay ki Enpòtan
Lè yon relasyon fenk komanse, chak moun souvan fe efò pou sonje ak selebre ti detay pèsonèl yo. Se ka yon siy ke santiman li yo diminye si toudenkou li kòmanse bliye dat randevou enpòtan, tankou anivèsè nesans, oubyen si li pa sonje ti detay ou te di’l sou preferans ou oswa eksperyans chak jou. Si tout vijilans li vin transfòme an neglijans nan detay ki gen rapò avèk ou, se lè pou’w komanse chèche klète sou sa k’ap pase.
7 – Li fè mwens efò nan frechè li te konn met sou li ak fason li abiye
Lè yon gason enterese, li souvan fè efò pou’l met frechè e byen prezante tèt li pou ou. Si ou remake yon bès nan efò sa yo ke li te konn abitye fè, se ka yon siy ki li pa enterese ankò. Si li kòmanse rankontre ou ak rad ki vay ke vay oubyen dezagreyab, malgre li te konn abiye byen avan, sa ka endike ke li pap eseye enpresyone’w ankò.
Chanjman sa a ta ka sanble sipèfisyèl. Men, li souvan reflete yon pwoblèm emosyonèl pi pwofon. Antouka, byen reyalize ka a epi kominike sa avan ou kouri fè konklizyon.
8 – Tout ‘Nou’ yo chanje an ‘Mwen’
Langaj nan konvèsasyon ka subtilman siyale chanjman nan dinamik yon relasyon. Souple pote atansyon a kijan li apwoche diskisyon sou plan, desizyon, oswa santiman. Si li te konn toujou ap di “nou” nan dyalòg sa yo, ki montre langaj kolektif, epi kounye a li sèlman di “mwen” ki se langaj endividyèl, sa ka endike ke li kòmanse wè vi li kom separe ak pa w la.
9 – Diminisyon nan afeksyon
Afeksyon fizik se yon bawomèt enpotan nan koneksyon emosyonèl ak entimite nan yon relasyon. Redwi afeksyon kòporel tankou kenbe men, akolad, ak bizou ka siyale yon refwadisman nan santiman.
Si ekspresyon afeksyon sa yo diminye san yon rezon klè, tankou estrès oswa pwoblèm sante, envestisman emosyonèl li nan relasyon an diminye. Absans afeksyon ka mennen nan santiman rejè ak solitid, kidonk li enpòtan pou adrese chanjman sa a ouvètman ak onètman.
10 – Distraksyon ak mank atansyon
Lè yon gason vrèman enterese ak angaje nan yon relasyon, li tipikman priyorize entèraksyon ak patnè li, epi ba yo tout atansyon li. Si li souvan parèt distrè pandan konvèsasyon oswa li anvi mete fen nan entèraksyon an oubyen konvesasyon an, li ka reflete yon nivo angajman ki bese.
Konpòtman sa a ka manifeste lè l’ap gade toupatou, tcheke lè nan mont li, oswa parèt anwiye pandan tan ou ansanm avèk li, epi kan konvèsasyon an fini oubyen li lè pou nou separe, li santi yon soulajman.
11 – Anpil Kritik trè souvan
Kritik, lè yo konstriktif, kapab yon pati enpotan nan nenpòt relasyon. Men si kritik yo vin pi souvan, piman bouk, oswa sou bagay ki raz, li ka siyale chanjman nan santiman. Lè yon gason kòmanse konsantre plis sou defo ou pase bon kalite ou yo, sa ka vle di ke l’ap kreye distans emosyonèlman ak mantalman.
Si li te konn ap sipòte’w ak ankouraje’w, epi sanzatann se yon pakèt kritik k’ap bay, ou ta dwe komanse mande tèt ou si yo pa siy pwoblèm ki pi pwofon.
12 – Mank Angajman nan Konvèsasyon
Si li kòmanse montre yon mank de kiryozite sou lavi ou, panse ou, oswa santiman ou, li se yon gwo endikatè distans emosyonèl.
Konpòtman yo ka sanble ak sa yo:
- Pa poze kesyon swivi.
- Bliye sa ou te di l.
- Pa pote tout atansyon lè w ap pale.
Lè se ou k’ap plede pale pale epi li pa prèske di anyen, li non sèlman etoufe kwasans nan relasyon an, men tou li ka fè ou santi ou pa gen valè ak izole.
13 – Priyorize Teknoloji sou Entèraksyon
Si olye li pase tan epi dyaloge avèk ou, li toujou chwazi rete nan telefòn li, òdinatè’l oswa televizyon, sa ka endike yon chanjman nan priyorite.
Se nòmal ke tout moun bezwen pase kèk tan ak aparèy sa yo. Men si li toujou ba yo priyorite sou ou tout tan, se yon pwoblèm ke sou dwe abòde.
14 – Refize fè nenpòt ti sakrifis
Ti jès jantiyès ak konpwomi se pa sèlman kòl ki kenbe relasyon yo ansanm, men tou yo montre yon nivo swen ak angajman anvè patnè yo. Lè yon gason vrèman entèrese, li souvan fe ti sakrifis pou fè lavi ou pli fasil e rann ou pi ere.
Si li kòmanse refize fè ti jès sa yo—tankou ajiste orè li yon ti kras pou mache ak pa w la, oswa menm gade yon fim ke’w renmen avè’w, menm si li pa enterese ak fim lan—sa ka endike yon chanjman nan priyorite li yo. Sa ka montre ke relasyon an pa twò enpòtan pou li ankò.
15 – Chanjman nan abitid yo san eksplikasyon
Si gen aktivite nou te konn abitye fè ansanm, epi sanzatann li chanje orè li, se yon move siy. Si ou wè li toujou baw yon rezon pou’l montre ke li pa disponib pou ou, se ka eskiz ke li kreye, e si gen manti ladan yo, se menm pi mal. Tout se alèt wouj ki montre ke li ka pa enterese nan relasyon an ankò. Prese abòde sa yo nan dyalòg pou’w wè si nou ka sove relasyon an
