#1. Je ou bat anviwon 20 fwa pa minit. Sa vle di je ou bat plis pase di milyon (10.000.000) fwa nan yon ane.
#2. Zòrèy ou pa janm sispann grandi, jamè.
#3. Kaka zorèy se yon kalite swe.
#4. Lang ou kouvri ak apeprè 8,000 papiy gou. Chak papiy sa yo gen jiska 100 selil ki pèmèt ou pran gou manje.
#5. Ou pwodui apeprè 10.000 galon krache nan lavi ou.
#6. Ou apeprè 1 cm pi wo nan maten lè ou fenk leve an konparezon ak lè ou pral dòmi. Se paske pandan jounen an katilaj mou nan mitan zo ou yo vin konprese (peze).
#7. Si ou ta mache pou 12 èdtan pa jou, li t’ap pran’w anviwon 690 jou pou’w mache atravè le tou di mond, si sa te posib.
#8. Sèl misk ki pa janm fatige se kè a. Se li ki travay pi di e san rete.
#9. Tout sifas po ou ranplase konplètman chak mwa. Sa vle di w’ap gen apeprè 1,000 po diferan nan lavi ou.
#10. De nesans ou jiska laj 70 an, kè’w bat apeprè 2.5 milya (2.500.000.000) fwa.
#11. Nan tout vi yo, pifò moun pase an mwayèn yon ane jis chita sou yon twalèt.
#12. An mwayèn, kè ou bat apeprè 100,000 fwa pa jou. Sa vle di li sikile apeprè 2000 galon san nan kò a chak jou.
#13. 12% tout moun fè rèv an nwa e blan.
#14. Misk ki pi fèm ou genyen sitiye nan machwè ou. Yo rele li misk masete. Misk stapedius la, ki sitiye nan mitan zòrèy ou, se misk ki pi fèb ou genyen.
#15. Po ou enpòtan anpil nan pwoteje kò a kont bakteri. Po a li menm gen 1000 diferan espès bakteri sou li nan nenpòt ki lè. Se poutèt sa, kouch ekstèn po a toujou ap detwi epi ranplase tèt li.
Degi. Ou gen ant 2 ak 5 milyon glann swe. Ou swe plis lè ou ap fè aktivite fizik paske kò a rekonèt ke ou bezwen refwadi.
Hello zanmi’m! Si’w enterese ak jan de atik sa yo ak anpil lòt, ale anba paj la nèt pou’w ka swiv nou sou Facebook!
Tape bouton anba a pou’w ka pataje’l ak zanmi’w yo!
Mèsi anpil!!!
